O Concello entregou de balde material aos apicultores, e xa se colocaron 50 trampas en puntos estratéxicos do municipio
O 20 de abril, o Concello de Sober retomou as accións de defensa contra a avespa velutina, coa entrega de balde de trampas e atraente aos apicultores. Na primeira xornada, instaláronse 50 trampas en árbores froiteiras situadas en puntos estratéxicos do municipio, repartidos polas 22 parroquias soberinas. Dende o Consistorio informaron de que se colocarán 150 trampas máis, ata un total de 200.
CADA NIÑO ANULADO IMPIDE QUE HAXA ENTRE 5.000 E 7.000 AVESPAS
Os responsables municipais explicaron que esta acción trata de impedir que a avespa raíña empece a formar niños, logo de rematar o tempo de hibernación. Por cada niño primario que se anule, evítase a aparición de entre 5.000 e 7.000 exemplares de avespa asiática.
CHAMAR AO 112 PARA A RETIRADA DOS NIÑOS DE VELUTINA
Dende o Concello de Sober insistiron na precaución, polo que, se hai constancia dalgún niño de velutina, hai que chamar ao teléfono 112 para que veñan a sacalo.
Cargando ...
