Arrancan as obras na estrada LU-633 nun tramo do Camiño Francés en Triacastela

A Xunta destina case 45.000 euros a estes traballos, que estarán rematados a finais de xullo

Os traballos nunha antiga curva da LU-633 estarán completados en tres meses. GPDTL

Na xornada do 23 de abril, comezaron os traballos de arranxo dun treito da estrada autonómica LU-633, que transcorre polo municipio de Triacastela. Segundo informaron dende a Delegación Territorial, a Xunta inviste preto de 45.000 euros neste proxecto, que permitirá aumentar a seguridade deste vial e do novo espazo de lecer anexo.

APROVEITAMENTO DUNHA ANTIGA CURVA PARA CREAR UNHA ZONA DE LECER E MELLORAR A SEGURIDADE DA ESTRADA

As obras concéntranse no punto quilométrico 28 desta estrada, á saída de Triacastela, nun antiguo tramo en curva. Este treito vaise acondicionar para empregalo como espazo público de lecer. No vial, vaise mellorar o firme cunha mestura bituminosa en quente, e se instalará unha barreira de seguridade para protexer a nova zona de lecer do tráfico da estrada. Por último, faranse correcións do nivel do chan, para proceder á súa humanización coa colocación de bancos e dunha zona verde.

Dende a Delegación Territorial da Xunta, as obras buscan incrementar a seguridade de todo tipo de usuarios, xa que é un vial que coincide cun treito do Camiño Francés a Santiago. A previsión é que os traballos estean rematados en tres meses.

Deixa unha resposta

Your email address will not be published.

Nova Anterior

Os nenos e nenas de Sober xa están equipados para desfrutar da rúa

Seguinte Nova

850.000 euros en axudas para rehabilitar vivendas este ano na Ribeira Sacra

Últimas noticias sobre GALERÍA

     
A %d blogueros les gusta esto: