A conferencia virtual sobre neurociencia estivo a cargo do profesor Rivadulla, da Universidade da Coruña
A axenda de conferencias que organiza o IES A Pinguela para o seu alumnado retomouse esta semana grazas ás novas tecnoloxías. O alumnado de 1º de Bacharelato con Bioloxía asistiu por videoconferencia á intervención do profesor Casto Rivadulla, do departamento de Fisioterapia, Medicina e Ciencias Biomédicas da Universidade da Coruña. A sesión, celebrada por videoconferencia na mañá do vernes 24 de abril baixo o título “Estás seguro do que ves?”, versou sobre a complexidade do cerebro, os mecanismos da memoria e a fraxilidade das neuronas.
Dende o IES A Pinguela agradeceron a participación do profesor Casto Rivadulla, “polo seu esforzo en ampliar a formación de profesorado e alumnado por Microsoft Tems”. Ademais dos alumnos e alumnas do centro monfortino, a videoconferencia contou co seguemento de antigas alumnas de A Pinguela, que agora están a cumprir a súa etapa de formación universitaria.
Cargando ...
