En marcha un novo reparto de equipos informáticos para escolares sen recursos

Educación distribúe outros 1.750 unidades, formadas por ordenador portátil e conexión a internet, para garantir o seguemento on line do curso escolar

Imaxe de arquivo dos equipos informáticos e de conectividade repartidos pola Xunta a mediados de abril. GPXG

A finais da semana pasada, a Xunta iniciou a distribución dun novo lote de equipos informáticos, cos que garantir que os estudantes con menos recursos poidan seguir o curso escolar dende as súas casas. A nova dotación inclúe 1.750 equipos, compostos por un ordenador ultraportátil, un route wifi 4G e unha liña de datos 4G de balde. A Consellería de Educación levou adiante esta iniciativa coa colaboración dos operadores Orange, Vodafone e R, e do Ministerio de Educación con Telefónica.

Segundo precisaron dende Educación, esta nova entrega, a segunda dende comezou o estado de alarma, vai dirixida de novo ao alumnado de Educación Secundaria, Bacharelato e Formación Profesional de centros públicos que teñen máis dificultades para acceder ao ensino on line durante o peche das aulas polo estado de alarma.

CRITERIOS SOCIOECONÓMICIOS, DE FENDA DIXITAL, E DE PROMOCIÓN ESCOLAR

Os centros de loxística da Axencia Galega de Modernización Tecnolóxica (Amtega) son os responsables de facer chegar os equipos aos centros de ensino. Pola súa banda, o reparto dos kits de conectividade é competencia dos equipos directivos, que xa evaluaran previamente as necesidades do seu alumnado. Ademais da situación socioeconómica das familias, tivéronse en conta outros criterios para a cesión dos equipos en préstamo, como son a non disposición nas casas de ordenador nin de conexión a internet, ou a matrícula en cursos de final de etapa que titulen, como son 4º da ESO, 2º de Bacharelato ou 2º de Formación Profesional.

A ESO CONCENTROU O 70% DOS PRÉSTAMOS DA PRIMEIRA QUENDA

Na primeira quenda de reparto, a Consellería de Educación cedeu en préstamo un total de 997 equipos e kits de conexión en 333 centros escolares de toda Galicia. O 70% destes equipos tivo como destinatarios a alumnos de ESO, o 20% para estudantes de Bacharelato, o 7% correspondeu a persoas matriculadas en Formación Profesional, e o resto para alumnado de Ensinanza de Adultos.

Deixa unha resposta

Your email address will not be published.

Nova Anterior

Flexibilizan os requisitos para ir coidar a leira

Seguinte Nova

A campaña Mascarilla-19, unha nova axuda para as mulleres vítimas de violencia de xénero

Últimas noticias sobre CULTURA

     
A %d blogueros les gusta esto: