As mascarillas infantís poden recollerse na Casa da Cultura o martes 28 e o mércores 29 de abril
Pantón sumouse ao reparto de mascarillas de talla infantil, para facilitar a saída dos cativos á rúa, unha vez que se aliviou o seu confinamento pola medida do Goberno central.
REPARTO DE 11 A 13 HORAS, MANTENDO A DISTANCIA SOCIAL
Para dispoñer deste material, as familias poden pasar a recoller as mascarillas o martes 28 e o mércores 29 de abril, en horario de 11 a 13 horas. O punto de distribución está nos baixos da Casa da Cultura.
O Concello de Pantón ofrece este material de protección en dúas tallas, unha adaptada a nenos e nenas de 3 a 7 anos, e outra para os cativos de 8 a 13 anos.
Dende o Consistorio, lembraron a importancia de non baixar a garda nos hábitos de hixiene de mans, e insistiron na obriga de manter a distancia social durante o reparto de mascarillas.
Cargando ...
