A Xunta analiza cos pequenos comerciantes medidas para a reactivación económica

O conselleiro de Industria reuniuse por videoconferencia cos representantes dos Centros Comerciais Abertos de Monforte, Sarria e Chantada

A xuntanza telemática do conselleiro de Economía, Emprego e Industria, Francisco Conde, cos representantes do comercio asociado de Monforte, Sarria e Chantada, celebrouse o martes 28 de abril. GPXG

A reapertura do comercio de proximidade cando remate o confinamento dependerá das directrices do Goberno central, aínda que a Xunta está a analizar co sector un plan de medidas de detalle. Así o explicou o conselleiro de Economía, Emprego e Industria, Francisco Conde, na xuntanza que mantivo por videoconferencia cos representantes do CCU Monforte e dos CCA de Sarria e de Chantada, o martes 28 de abril. Conde adiantoulles que a proposta da Xunta inclúe unha apertura “flexible e dinámica”, con limitación de aforo ou cita previa, para reducir no posible o risco de contaxios.

DESESCALAR DE XEITO “FLEXIBLE E DINÁMICO” TENDO EN CONTA A XEOGRAFÍA, A POBOACIÓN E OS SECTORES ECONÓMICOS

Na xuntanza, o conselleiro insistiu en que a Xunta demanda do Goberno central “protocolos claros de actuación a nivel estatal”. Con todo, dende o Executivo galego apostan por unha volta á normalidade “baseado no mando único” pero que se aplique “tendo en conta as especificidades dos diferentes territorios”. Conde foi claro na súa intervención, apuntando a tres eixos, o demográfico, o xeográfico e o dos sectores económicos, dentro dun modelo de desescalada “flexible e dinámico”.

Conde enumerou as propostas concretas que trasladou a Xunta ao Goberno central para aplicar a volta á normalidade no eido comercial. Así, o conselleiro referiuse á apertura de talleres e concesionarios, a apertura paulatina doutro tipo de establecementos, aplicando neles sistemas de limitación de aforo ou de cita previa. O titular autonómico tamén incluiu a venda de produtos agrícolas e gandeiros nos mercados municipais ao aire libre.

INCENTIVAR O CONSUMO NO PEQUENO COMERCIO, TAMÉN POR INTERNET

Aínda que o obxectivo é abrir os negocios con seguridade para empresarios, traballadores e clientes, tamén cómpre pensar na reactivación da súa actividade. Neste sentido, Francisco Conde informou de que o seu departamento está xa a traballar cos representantes do sector para deseñar un plan que incentive o consumo no comercio de proximidade.

Entre as medidas, a Xunta anima aos comerciantes a mellorar as súas ferramentas dixitais, para ofrecer os seus produtos por internet e abrir así máis canles de venda. Así mesmo, estase a deseñar protocolos e solucións para garantir a seguridade de traballadores e clientes fronte ao contaxio polo coronavirus.

Deixa unha resposta

Your email address will not be published.

Nova Anterior

As catro residencias de maiores da Deputación reciben 11.500 unidades de protección

Seguinte Nova

Galicia ten un repunte nos novos contaxios por coronavirus: 138 no último día

Últimas noticias sobre ASOCIACIONISMO

     
A %d blogueros les gusta esto: