O Concello recupera o pintado de viais en Monforte tralo parón polo inverno e o coronavirus

Os traballos completarán a sinalización horizontal en 16 rúas da cidade

Os sinais horizontais son fundamentais para a seguridade de vehículos e peóns nas estradas. (Foto: Pixabay)

O comezo da desescalada trae obras nas rúas de Monforte. O luns 4 de maio, o Concello anunciou que se retoman os traballos de renovación dos sinais horizontais nun total de 16 viais. Os traballos adxudicáronse a finais de setembro de 2019 por un importe global de case 32.000 euros, pero quedaron sen facer debido ás malas condicións climatolóxicas, e á posterior declaración do estado de alarma pola pandemia do coronavirus. O alcalde de Monforte, José Tomé, argumentou a recuperación destas obras polo permiso estatal para realizar este tipo de traballos, e polas boas perspectivas meteorolóxicas.

TRAMOS REPARTIDOS EN 16 RÚAS

En total, vaise actuar en 3.127 metros cadrados e 15.029 metros lineais, repartidos ao longo de 16 rúas. O Concello anunciou que as actuacións previstas incluirán tramos de Benito Vicetto, Valle- Inclán, Calvo Sotelo, Avenida de Galicia, Cardeal e praza Ponte Fontecha, Compañía, Dalmiro de la Válgoma, Paseo de Lugo, Reboredo, Chantada, Ourense, Roberto Baamonde, San Pedro, Escultor Francisco Moure, Doutor Casares, Huertas e cercanías do Campo de San Antonio.

Os traballos permitirán o correcto pintado de sinais horizontais de todo tipo, dende bandas de pasos de peóns ata isletas e liñas de detección, ademais de reservas de carga e descarga e de usuarios específicos, xunto aos correspondentes sinais de circulación.

Deixa unha resposta

Your email address will not be published.

Nova Anterior

A Xunta sumou 110 tarefas de desinfección no sur de Lugo

Seguinte Nova

Importante repunte dos contaxios por coronavirus en Galicia

Últimas noticias sobre GALERÍA

     
A %d blogueros les gusta esto: