Preto de 11.000 visitas en só dous días á web da Deputación “Mide a túa saída”

Esta aplicación informa ao usuario sobre o perímetro permitido para as súas saídas na desescalada

A aplicación calcula o perímetro permitido para as saídas na desescalada de todo tipo de usuarios. GPDL

A comezos de maio, a Deputación activou a web “Mide a túa saída”, para facilitar aos lucenses a medición da distancia permitida nas saídas da desescalada. Durante os dous primeiros días, a web contabilizou preto de 11.000 visitas, “unha boa acollida” segundo valoraron os responsables provinciais. Esta web permite calcular a distancia máxima na que pode moverse o usuario segundo as normas establecidas polo Goberno, e tomando como punto de partida o seu domicilio.

A WEB VISITÁRONA USUARIOS LUCENSES, PERO TAMÉN DA CORUÑA, MADRID, VALLADOLID OU SANTIAGO, ENTRE OUTRAS LOCALIDADES

En canto á procedencia dos usuarios da aplicación, a mayoría son lucenses, cun total de 4.000. Tamén amosaron o seu interese por esta ferramenta usuarios de fóra de Galicia, como as 1.995 visitas realizadas dende Madrid, ou as 195 dende Barcelona e as 446 dende Valladolid, ademais outras procedentes de Burgos e Palencia. Dentro de Galicia, a web posta en marcha pola Deputación de Lugo rexistrou entradas dende diversos puntos, como as 734 visitas feitas dende A Coruñ ou as 356 dende Santiago de Compostela.

A ferramenta “Mide a túa saída” está dispoñible na web https://mideatuasaida.deputacionlugo.org/), sen necesidade de facer descargas no móbil ou na tableta. Só esixe activar a ubicación no dispositivo do usuario, e dar permiso á web para que acceda a esta información. Segundo o tipo de usuario, a aplicación calcula o perímetro permitido para as saídas nesta fase da desescalada, tomando o domicilio como punto de referencia para a medición.

Deixa unha resposta

Your email address will not be published.

Nova Anterior

Os lucenses reciben outra quenda de máis de 100.000 mascarillas do Goberno central

Seguinte Nova

A Xunta sumou 110 tarefas de desinfección no sur de Lugo

Últimas noticias sobre GALERÍA

A %d blogueros les gusta esto: