3,3 millóns de euros dos remanentes da Deputación destinaranse aos concellos e asociacións

Tamén se incorporarán outros 10,2 millóns para completar o Plan Único 2020

O presidente da Deputación, José Tomé, participando no Pleno telemático de comezos de abril. (Arquivo GPDL)

O Orzamento da Deputación de Lugo para o ano en curso disporá de 3,3 millóns de euros de remanentes para reforzar a colaboración cos concellos e co tecido asociativo. No anuncio desta medida, o presidente do organismo provincial, José Tomé, insistiu na oportunidade de incrementar os fondos para os municipios e as asociacións “no contexto de crise que vivimos provocada pola pandemia da Covid-19”, e dado que a función sustancial da Deputación é “apoiar aos concellos e ao tecido social e económico”.

Ademais desta cantidade, o Goberno provincial vai incorporar máis de 10,2 millóns de euros ao Orzamento deste ano, con cargo a remanentes, para completar os 21,3 millóns previstos para a dotación do Plan Único. Este plan está deseñado, segundo lembraron os responsables provinciais, para distribuír os fondos provinciais entre os 67 concellos con criterios públicos e obxectivos.

O Pleno convocado para o 26 de maio debaterá para a súa aprobación esta proposta de modificación do Orzamento vía suplemento de crédito, nunha convocatoria que será telemática por mor do estado de alarma.

Dende a Deputación informaron que o Pleno tamén debaterá sobre a proposta de conxelar o uso de remanentes por importe de 3,7 millóns de euros, para avanzar no cumprimento do Plan Económico Financieiro 2019-2020. O organismo provincial está aplicando este Plan por ter superado no exercicio 2018 a regra de gasto, debido ao crédito suscrito no pasado mandato para acometer o Plan Especial de Rehabilitación de Firmes. A proposta que irá ao Pleno do día 26 está baseada en informes do servizo de Intervención do organismo provincial.

Deixa unha resposta

Your email address will not be published.

Nova Anterior

A aposta polas novas tecnoloxías e o traballo coordinado, “claves” para reactivar o turismo lucense

Seguinte Nova

Galicia detecta 34 novos contaxios por coronavirus, treceavo día consecutivo por debaixo dos 100 novos casos diarios.

Últimas noticias sobre ECONOMÍA

     
A %d blogueros les gusta esto: