Os concellos do sur lucense reciben outra quenda de epis da Xunta

O lote inclúe 5.500 unidades de protección fronte ao coronavirus, para cubrir os servizos básicos nas comarcas de Lemos, Quiroga e Chantada

Un dos lotes con material de protección individual que a Xunta achegou aos concellos lucenses durante o confinamento. GPDTL

A finais de maio, a Xunta está a completar unha nova entrega de equipos de protección individual fronte ao coronavirus, con destino aos concellos das comarcas de Lemos, Quiroga e Chantada. Estes municipios recibirán 5.500 unidades, que inclúen 3.188 máscaras cirúrxicas e pantallas faciais, 2.200 guantes e 130 traxes e batas antisalpicaduras.

MÁIS DE 47.000 EPIS PARA GARANTIR OS SERVIZOS ESENCIAIS NOS ÚLTIMOS DOUS MESES

No balance que fixo o delegado territorial da Xunta en Lugo, José Manuel Balseiro, especificáronse a cantidade e a tipoloxía dos materiais de protección que o Executivo autonómico fixo chegar aos municipios da zona sur nos dous últimos meses. Balseiro explicou que as entregas periódicas deste material superan as 47.000 unidades só nestas tres comarcas lucenses. O conxunto hixiénico-sanitario que se distribuiu dende o inicio do confinamento incluiu 24.800 luvas, 20.100 máscaras e pantallas faciais, 1.500 traxes e batas antisalpicaduras, e produtos de desinfección.

O delegado precisou que estas unidades serviron para cubrir as necesidades dos profesionais encargados do Servizo de Axuda no Fogar, así como dos voluntarios de Protección Civil e os membros da Policía Local, ademais do persoal doutros servizos esenciais.

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Novas actuacións para conservar o legado románico de Pantón

Seguinte Nova

O Saviñao amplía a protección ante contaxios cun túnel de desinfección á entrada do Consistorio

Últimas noticias sobre CORONAVIRUS

Ir aInicio

Don't Miss