Aberto o prazo de matrícula na gardería municipal de Monforte

Ata o 8 de xuño para renovar praza, e ata o 15 para novos ingresos

Arranca o periodo para solicitar praza na gardería municipal de Monforte. (Foto: Pixabay)

O 1 de xuño, o Concello de Monforte abriu o periodo de presentación de solicitude de praza na gardería municipal. Os prazos, que acostumaban ser efectivos durante os meses de marzo e abril, estiveron suspendidos por mor da declaración do estado de alarma pola pandemia do Covid-19. Para recuperar estas tramitacións, o alcalde, José Tomé, asinou un decreto no que se establece un novo calendario de admisións.

Deste xeito, as familias que queiran renovar praza na gardería municipal, terán que solicitalo entre o 1 e o 8 de xuño. Para os casos de novo ingreso, o prazo está en vigor ata o 15 de xuño inclusive.

DOCUMENTACIÓN

Ambas modalidades de inscrición esixen cubrir a folla de solicitude, que está dispoñible na web do Concello de Monforte. Ademais, haberá que presentar o xustificante bancario de ter abonada a correspondente fianza de 40 euros. Dende o Concello insisten en que os cidadáns presenten todo tipo de documentación por vía telemática, segundo recomendan as autoridades sanitarias.

Os requisitos para poder acceder a unha praza na gardería municipal poden consultarse na propia web do Concello: www.monfortedelemos.gal. Para obter máis información sobre o funcionamento da gardería municipal, ou para resolver calquer dúbida da tramitación, os cidadáns poden dirixirse por teléfono ao Centro de Información da Muller (CIM) de Monforte, a través do número 982 416 350.

Deixa unha resposta

Your email address will not be published.

Nova Anterior

Comezan os traballos de desbroce nas estradas provinciais

Seguinte Nova

Aprobadas por algo máis de medio millón de euros as obras de mellora de dúas estradas en Monforte e Sober

Últimas noticias sobre EDUCACION

     
A %d blogueros les gusta esto: