Novo impulso á protección do románico de Pantón

Cultura licita por 270.000 euros a restauración da igrexa de Pombeiro

Conxunto monumental da igrexa de San Vicente de Pombeiro, no Concello de Pantón. GPXG

Continúan as actuacións institucionais para a conservación do patrimonio artístico da Ribeira Sacra. A Consellería de Cultura vén de licitar, por importe de 270.000 euros, as obras de restauración da igrexa de San Vicente de Pombeiro, templo de finais do século XII que conta coa consideración de Ben de Interese Cultural de Galicia. As obras estarán completadas nun prazo máximo de seis meses.

CONTROL DAS HUMIDADES E MELLORA DO EXTERIOR

Segundo informaron dende Cultura, as actuacións van dirixidas a reducir as humidades e mellorar as condicións do interior e do exterior. Con este fin, substituirase a actual cuberta, eliminaranse as humidades nas bases dos muros, e se realizarán melloras na carpintería das ventás para optimizar a ventilación.  No exterior, procederase a renovar os rexuntados das fachadas, ademais de reordenar o espazo da sacristía cambiando a porta de entrada e peche. Tamén se renovará o pavimento do adro para facilitar o acceso ao templo.

Deixa unha resposta

Your email address will not be published.

Nova Anterior

A Deputación proporá un catálogo de espectáculos a concellos e asociación para dar pulo ás compañías lucenses

Seguinte Nova

Comeza a tramitación para declarar BIC á igrexa de Santa Cruz do Incio

Últimas noticias sobre GALERÍA

A %d blogueros les gusta esto: