Sober multará polos enganches ilegais e o mal uso da auga da traída

O Consistorio investiu 40.000 euros nun sistema intelixente para controlar os consumos

As autoridades municipais lembran a importancia do consumo responsable da auga procedente da rede de abastecemento. (Foto: Pixabay)

A auga é un ben común, e a rede de abastecemento un servizo público, polo que garantir o bo uso de cada un deles repercutirá no beneficio da comunidade. Con esta idea, o Concello de Sober anunciou sancións para aqueles veciños que estraguen a auga da traída, ou realicen enganches ilegais á rede de abastecemento. Este control xa é posible, grazas ao sistema intelixente posto en marcha hai pouco que permite rexistrar os consumos de auga potable da veciñanza.

TELEXESTIÓN DOS CONSUMOS POR ZONAS

O sistema supuxo un investimento de 40.000 euros, que se financiou con cargo ao Plan Único da Deputación de Lugo correspondente ao exercicio de 2019. Ademais de permitir o control do consumo por zonas, este dispositivo de telexestión fai posible detectar fugas e derivacións ilegais da rede de abastecemento.

RECOMENDACIÓNS PARA EVITAR MULTAS POR USO INDEBIDO DA AUGA DA TRAÍDA

Dende o Consistorio anunciaron a realización dun estudo minucioso por tramos, que alertará destas ilegalidades. As autoridades locais recomendaron un consumo responsable da auga, e lembraron que está prohibido regar, lavar coches ou encher piscinas con auga da traída.

Deixa unha resposta

Your email address will not be published.

Nova Anterior

Sober pide unha subvención a Europa para poñer wifi en puntos turísticos

Seguinte Nova

Os nacionalistas apoian as demandas dos viticultores de priorizar os cultivos tradicionais na Ribeira Sacra

Últimas noticias sobre GALERÍA

     
A %d blogueros les gusta esto: