O clube lucense será o único con representación masculina e femenina da vindeira Superliga de voleibol
As xogadoras e corpo técnico do club lucense Emevé de voleibol celebraron o seu ascenso á Superliga cunha recepción institucional na Deputación. O acto tivo lugar na mañá do xoves 11 de xuño, coa presenza do deputado de Deportes, Efrén Castro. O nacionalista gabou o ascenso deste equipo durante a presente tempada, marcada pola Covid-19. Un logro deportivo que convirte ao Emevé no único club que terá representación masculina e feminina na máxima competición estatal para a vindeira tempada.
Na recepción ás xogadoras do Emevé, Efrén Castro destacou “o traballo de base” que desenvolve este club lucense, e que se reflicte “na presenza de numerosas canteirás no primeiro equipo”.
Cargando ...
