Sober desenvolverá no mes de xullo unha nova edición do campamento de verán “Coñece o teu Concello”

Polas restriccións sanitarias, haberá seis prazas por semana, para nenos e nenas de 4 a 12 anos

Imaxe de arquivo dunha edición anterior do campamento de verán «Coñece o teu Concello», que organiza o Concello de Sober durante o mes de xullo. GPCS

O primeiro de xullo, arrancará a cuarta edición do campamento de verán “Coñece o teu Concello”, unha iniciativa lúdica e educativa coa que o Consistorio soberino trata de dinamizar as vacacións dos escolares entre 4 e 12 anos. A iniciativa estará en marcha ata o 30 de xullo.

LECER PARA OS CATIVOS E CONCILIACIÓN PARA AS FAMILIAS NAS VACACIÓNS ESCOLARES

Desta volta, e debido á normativa sanitaria pola Covid-19, ofértanse seis prazas por semana. O alcalde, Luis Fernández Guitián, animou aos nenos e nenas a participar neste campamento, que mestura actividades de lecer con accións educativas en diversos puntos do municipio, ao tempo que se favorece a conciliación familiar durante as vacacións escolares. O rexedor explicou que o campamento “levarase a cabo, sempre que as autoridades competentes o permitan, adaptándonos ás novas medidas de seguridade e hixiene e seguindo os protocolos necesarios para crear un entorno totalmente controlado e seguro”.

Deixa unha resposta

Your email address will not be published.

Nova Anterior

Reactivan axudas por case 280.000 euros para executar canto antes 11 recursos turísticos da zona sur

Seguinte Nova

Quiroga reactiva o deporte post-pandemia con tres andainas no mes de xullo

Últimas noticias sobre EDUCACION

     
A %d blogueros les gusta esto: