O Concello da Pobra do Brollón vén de activar a campaña «A todo Bar», para apoiar á hostalería e premiar aos consumidores, neste caso con sorteos de produtos locais.
Con cada consumición de bebida máis tapa, o establecemento porá un selo, ata completar o circuíto dos oito locais participantes: O Pirata, Avenida, A Vella Taberna, Primeiro de Maio e O Chiringuito, na Pobra; A Cantina de Julia e A Salanova en Salcedo; e O Fogón en Cereixa.
Todas as tarxetas que acaden os oito selos entrarán no sorteo celebrado cada dúas semanas. Os sorteos terán lugar sempre en luns, ao longo dos meses de verán. •
