Noite de cine na Pobra do Brollón con “María Solinha”

A estrea desta película galega será en Cereixa o luns 20 xullo ás 21:30 horas

Fotograma das protagonistas do filme galego «María Solinha», dirixido por Ignacio Vilar. GPCPB

A Pobra do Brollón ofrece unha nova cita cultural, desta volta adicada ao cinema galega. A película sobre a personaxe de María Soliña, unha canguesa do século XVII que morreu a mans da Inquisición acusada de bruxería, poderá verse na parroquia de Cereixa o luns 20 de xullo. A proxección terá lugar en Os Carballos, ao carón da igrexa, a partir das 21:30 horas.

PRESENZA DO DIRECTOR, IGNACIO VILAR, E DA PROTAGONISTA, LAURA MÍGUEZ

Como entrante ao visionado da película, dirixida por Ignacio Vilar, haberá un pequeno debate sobre a historia desta personaxe, tendo en conta que o filme se estrea no berce doutra muller senlleira na historia de Galiza, María Castaña, nacida na parroquia de Cereixa. Da vinculación entre estas dúas figuras femininas falará o arqueólogo e historiador Xurxo Ayán, acompañado por Vilar e pola actriz protagonista da película, Laura Míguez, que virá vestida de época, para ambientar o momento histórico no que se desenvolve a historia.

A película plantea a chegada a Cangas do Morrazo dun afamado director, que quere reconstruír no teatro a historia de María Soliña. A protagonista da obra de teatro actual vivirá nas súas carnes, catro séculos despois dos feitos históricos, ecos das agresión padecidas por María Soliña na súa época.

Para asistir á sesión de cine, que é de balde, será obrigatorio o uso de mascarilla, así como respectar a distancia de seguridade. O equipamento técnico, a cargo da empresa Mrmisto, garante unha excelente calidade na proxección e no visionado. O evento está promovido pola Deputación de Lugo coa colaboración do Concello da Pobra do Brollón.

Deixa unha resposta

Your email address will not be published.

Nova Anterior

Cata nocturna para mulleres en Quiroga

Seguinte Nova

Alta participación na Aula de Verán que organiza o Concello do Saviñao

Últimas noticias sobre CULTURA

A %d blogueros les gusta esto: