A Xunta leva entregados 1,5 millóns de epis na provincia de Lugo

Esta semana realizouse unha nova entrega de material de protección, a número dezasete dende o comezo da crise sanitaria

Imaxe de arquivo dun dos lotes de material de protección individual que a Xunta remitiu á provincia de Lugo. (Arquivo EC)

A Xunta vén de realizar un novo envío de unidades de protección individuais contra a covid-19 a residencias e centros sociais da provincia de Lugo. Este lote, que fai o número dezasete na serie remitida por Sanidade á provincia nos últimos catro meses, incluiu 77.400 unidades para 79 residencias e centros sociais de todo o territorio lucense. Con este envío, xa son case 1.255.000 unidades de protección as enviadas pola Xunta á provincia dende o inicio da crise sanitaria.
O primeiro lote foi remitido a principios de abril, e dende entón subministráronse a 156 centros lucenses un total de 570.580 guantes, 615.417 máscaras e pantallas faciais, 15.695 batas e mandís, 18.100 gorros, 26.700 calzas, 7.771 unidades de produtos desinfectantes e 163 trípticos informativos.
Con estas partidas de material, xestionadas a través da plataforma loxística posta en marcha para centralizar a compra e distribución, a Xunta tratou de protexer aos colectivos máis vulnerables nas residencias de maiores, centros de menores e de persoas con discapacidade. •

Deixa unha resposta

Your email address will not be published.

Nova Anterior

Máis control fronte ás enchentes do río Asma

Seguinte Nova

Volven os Paseos en Barca polo río Cabe

Últimas noticias sobre SAÚDE

A %d blogueros les gusta esto: