A comezos de agosto, a Deputación arrancou os traballos de mellora da estrada provincial LU-P-5902, que comunica os núcleos de Canabal con Rosende e Arxemil, no término municipal de Sober. Segundo indicou o presidente da Deputación, responsable directo da área de Xestión Territorial, as obras afectan ao tramo comprendido entre os puntos quilométricos 3,5 e 4,5. O proxecto contempla a limpeza e drenaxe das cunetas, a pavimentación con aglomerado en quente, e o pintado da sinalización horizontal.
Para estas actuacións na estrada soberina, a Deputación destinou algo máis de 61.000 euros. •
