Algo máis de 88.000 euros para embelecer o Camiño de Inverno

A Xunta aprobou achegas para apoiar os proxectos de cinco particulares e de tres concellos

Mellorar o impacto visual do Camiño de Inverno e apoiar a conservación dos elementos patrimoniais e etnográficos desta ruta son os obxectivos destas axudas da Xunta. (Foto: Adobe Stock Photo)

O Camiño de Inverno vén de sumar máis achegas institucionais, neste caso para a súa mellora paisaxística. O Executivo autonómico aprobou recentemente máis de 88.000 euros en subvencións, que apoian proxectos liderados por cinco particulares e tres municipios. As achegas custean un máximo do 75% do investimento en accións que melloren o impacto visual dentro desta ruta xacobea, ou que supoñan a restauración de bens do patrimonio etnográfico de Galicia.

MONFORTE, O SAVIÑAO E A POBRA DO BROLLÓN, OS TRES MUNICIPIOS CON ACHEGAS

Dentro dos proxectos municipais, os beneficiados son os concellos de Monforte de Lemos, O Saviñao e A Pobra do Brollón, cun total de 41.200 euros. Na Pobra, o proxecto subvencionado inclúe a conservación da Ponte de Barxa e a pavimentación do tramo do Camiño de Inverno que discorre por este municipio. En Monforte, a achega apoia o embelecemento e mellora do entorno do centro social de Reigada. Pola súa banda, en O Saviñao cofinanciarase a adecuación do entorno da escola de Montecelo-Diomondi.

ARRANXO DE MUÍÑOS, HÓRREOS E MUROS DE PECHE POR PARTICULARES

Na liña de subvencións a particulares, a Xunta aprobou 47.100 euros a repartir entre cinco proxectos para arranxar elementos como muíños, muros de peche e hórreos. Dous destes proxectos están en Chantada, e os tres restantes localízanse nos concellos de Quiroga, Monforte de Lemos e Pantón.

Deixa unha resposta

Your email address will not be published.

Nova Anterior

Obras de mellora de tres viais autonómicos no sur de Lugo

Seguinte Nova

Convocadas as subvencións provinciais para actividades no eido da cultura

Últimas noticias sobre GALERÍA

A %d blogueros les gusta esto: