Hai que pedir cita previa por teléfono ou internet
A Inspección Técnica de vehículos agrícolas pasará por Bóveda a mediados deste mes. A empresa encargada ofrecerá este servizo no mercado gandeiro de Rubián do 16 ao 18 de setembro.
O mércores 16, os técnicos atenderán pola tarde, de 17:30 a 18:30 horas. O xoves 17 de setembro, o horario será moito máis amplo, dende as 08:00 ata as 18:30 horas. O último día, venres 18, o servizo ofrecerase só pola mañá, de 09:00 a 11:15 horas.
As persoas que precisen levar os seus vehículos agrícolas á revisión deberán solicitar cita previa no teléfono 902 30 90 00, ou en internet a través da páxina web www.sycitv.com.
