A innovación, a economía circular e o desenvolvemento sostible, premiados no concurso da Asociación Semente de Monforte

O vicepresidente económico e conselleiro de Economía, Empresa e Innovación, Francisco Conde, na entrega dos premios Semente de Monforte

O emprendemento no sur de Lugo segue a ter premio. A Asociación Semente Monforte entregou os galardóns aos mellores proxectos presentados á súa sexta edición, nun acto semipresencial que se celebrou o sábado 26 de setembro.


SELECCIÓN DE ENTRE CASE 90 IDEAS
Os proxectos galardoados destacaron pola súa innovación, e por basearse na economía circular e no desenvolvemento sostible. O primeiro premio desta quenda correspondeu ao proxecto denominado Recovery Blood, que propón a revalorización do sangue e doutros subprodutos da industria cárnica. En segundo lugar, o xurado recoñeceu ao proxecto presentado como Trasdeza Natur, adicado á transformación de produtos de horta con selo ecolóxico. O terceiro e último premio foi para Timber Soul Innovations, destinado á construción con madeira local. En total, a edición número seis dos premios Semente Monforte recibiu 87 propostas.


20.000 EUROS REPARTIDOS EN TRES PREMIOS
Os dez proxectos finalistas desta edición foron presentados por videoconferencia ao xurado reunido no Parador de Monforte. Xa pola tarde, logo da valoración, os responsables da Asociación Semente de Monforte deron a coñecer en redes sociais o nome das ideas merecedoras dos tres premios, de 10.000, 7.000 e 3.000 euros, respectivamente.
Na entrega dos premios estivo presente o vicepresidente económico da Xunta, Francisco Conde, que destacou as posibilidades do rural para emprender, incluso nas actuais circunstancias. «Monforte e a Ribeira Sacra non paran, e Galicia tampouco», salientou o titular autonómico.•

Deixa unha resposta

Your email address will not be published.

Nova Anterior

Núñez Feijóo achegouse a Sober en plena vendima para gabar a calidade do viño da Ribeira Sacra

Seguinte Nova

Completadas as obras para mellorar a seguridade viaria preto do Camiño Francés en Portomarín

Últimas noticias sobre ECONOMÍA

     
A %d blogueros les gusta esto: