A colaboración sumaríase aos 15.000 euros anuais que o organismo provincial achega anualmente para esta entidade
O proxecto de ampliación do Museo do Pobo Galego contará coa colaboración da Área de Cultura da Deputación de Lugo. Este departamento, dependente da Vicepresidencia do organismo provincial, contribuirá a financiar os traballos de creación de novos espazos expositivos, e á prestación de novos servizos por parte do Museo para o Xacobeo 2021.
«O estudo e promoción da cultura e da historia de Galiza debe implicar a todas as institucións de Galiza, cada unha dentro das súas posibilidades orzamentarias», explicou Maite Ferreiro, vicepresidenta da Deputación. A nacionalista gabou a intención dos responsables do Museo «de afondar na proxección do centro en toda Galiza», pois «é fundamental que o seu inxente labor chegue a todo o territorio».•
Cargando ...
