O Espazo Xove de Chantada inicia un novo ciclo de mostras, dentro da súa tradicional cita co Outono Fotográfico.
ABRE O CICLO A MOSTRA «HORIZONTES», DE BRUNO TABOADA
Do 24 de setembro ata o 16 de outubro, a sala de exposicións da Casa da Xuventude chantadina amosa «Horizontes», unha proposta fotográfica asinada por Bruno Taboada González.
PANDEMIA GRÁFICA
A segunda cita coa creación fotográfica virá da man de Ángel Luis Utrera Baza, que ofrecerá en Chantada a súa exposición titulada «Pandemia», dende o 22 de outubro ata o 28 de novembro.
COLECTIVO OS POTIÑOS
O Outono Fotográfico rematará coa mostra colectiva «Descrenza», con obras da Asociación Fotográfica Os Potiños. Será do 23 de novembro ata o 18 de decembro.•
