O Auditorio Municipal de Chantada está a acoller as diversas sesións do VI Outono Musical Lourdes Vázquez Ledo. Logo das actuacións do Dúo Esjedon, na xornada inicial o día 4, e de Alba Barreiro Trío, o sábado 10, a axenda cultural continúa cunha nova cita. O sábado 17 de outubro, terá lugar a actuación da agrupación de música de cámara Lucus Ensemble. A axenda completarase co concerto a cargo da Banda Municipal de Chantada, o sábado 24 de outubro.
AFORO REDUCIDO E CONTROL DE ACCESO CON PROTOCOLO SANITARIO
Todas as actuacións comezarán ás 19:00 horas. A organización lembra que, por mor da crise sanitaria, o Auditorio Municipal aplica redución de aforo. Por este motivo, recoméndase acudir con suficiente antelación. Ademais, á entrada realizarase un control de temperatura e será obrigatoria a desinfección de mans, así como o uso de máscara no interior do recinto. •
