A mediados de outubro, quedou asinado en Lugo o convenio entre a Deputación e a Asociación de Familiares de Enfermos de Alzheimer (AFA) de Chantada, polo que o organismo provincial achega 12.000 euros para o servizo de transporte de dez usuarios e usuarias.
AXUDAR TAMÉN ÁS FAMILIAS, AS GRANDES ESQUECIDAS
Este acordo facilitará o labor que desenvolve AFA Chantada «nunha provincia como a de Lugo, envellecida e cunha dispersión xeográfica tan grande que complica a atención», segundo destacou o presidente da Deputación, José Tomé. O mandatario provincial insistiu en que «é fundamental axudar aos veciños e veciñas que sofren a enfermedade de Alzheimer, así como ás súas familias que, en ocasións, son as grandes esquecidas».
AFA Chantada busca que os doentes manteñan o maior grao de autonomía, promovendo obradoiros de memoria, estimulación cognitiva e ximnasia, así como apoio psicolóxico ás familias. •
Cargando ...
