Máis de 20.500 persoas desfrutaron das rutas en catamarán dende xuño

A Deputación amplía o programa de viaxes fluviais ata o 13 de decembro •Esta medida pretende apoiar ao sector turístico cunha actividade ao aire libre e que se desenvolve con todas as medidas hixiénico-sanitarias

As viaxes en catamarán son un dos atractivos máis demandados polos visitantes que se achegan á Ribeira Sacra.

As rutas en catamarán pola Ribeira Sacra manteñen o seu tirón a pesar da pandemia, e pode funcionar como un dinamizador do sector nestes tempos difíciles. Segundo informaron dende a Deputación, o programa de itinerarios fluviais leva rexistrados dende o seu inicio no mes de xuño máis de 20.500 visitantes, o que demostra a «moi boa acollida» desta iniciativa provincial. Sobre este dato, o Goberno da Deputación decidiu ampliar o programa ata o 13 de decembro, «porque queremos que as rutas sigan dinamizando o turismo e a hostalería nuns momentos tan complicados para o sector», como apuntou o mandatario provincial, José Tomé.

6.200 USUARIOS DOS CATAMARÁNS SÓ NO ÚLTIMO MES
O presidente da Deputación salientou o dato de usuarios do último mes, periodo no que este servizo rexistrou 6.200 visitantes. «É unha cifra importante, tendo en conta que as embarcacións están limitadas ao 50% da súa capacidade como medida de seguridade para minimizar o risco de contaxio por covid-19», precisou. Tomé garantiu que se van manter os protocolos hixiénico-sanitarios en todos os itinerarios que saen da Ponte do Sil e Belesar, para potenciar a afluencia a «esta oferta turística atractiva na nova normalidade», que se desenvolve ao aire libre e en pleno contacto coa natureza.
Tomé tamén explicou que a prórroga do encargo á empresa pública Tragsa para ofrecer o servizo de catamaráns ata o 13 de decembro ten un importe de 45.000 euros. •

Deixa unha resposta

Your email address will not be published.

Nova Anterior

A chantadina Susana López Abella repite á fronte de Igualdade no novo Goberno de Feijóo

Seguinte Nova

Tomé anunciou a reforma da cuberta do Edificio Multiusos de Monforte

Últimas noticias sobre TURISMO

     
A %d blogueros les gusta esto: