O voceiro provincial e o alcalde da localidade destacaron a importancia de que estas instalación estean operativas «para estimular a economía local»
O Grupo Provincial do Partido Popular de Lugo vén de reclamar á Deputación que saque outra vez a licitación a explotación do club náutico de Belesar. O portavoz desta formación no organismo provincial, Javier Castiñeira, sinalou que se debe primar a posta en servizo deste complexo fronte ao rendemento económico.
Castiñeira achegouse ata as instalacións de Belesar a mediados deste mes, para comprobar que o edificio está pechado cun cadeado. Acompañado polo alcalde de Chantada, Manuel Lorenzo Varela, Castiñeira salientou que «este cadeado que pecha o acceso ás instalacións é a mellor imaxe da ineficacia do Goberno provincial».
O voceiro popular lembrou que a concesión da explotación «saiu a licitación en febreiro do ano pasado e o concurso quedou deserto», o que «demostra a falta absolutade interese do Goberno provincial por sacar adiante estas instalacións». •
Cargando ...
