A Deputación apoia con 100.000 euros a financiación da nova cuberta do Multiusos de Monforte

A tenente de Alcalde de Monforte, Gloria Prada, e o presidente da Deputación, José Tomé, asinaron o convenio para o arranxo da cuberta do Multiusos o 14 de novembro

As obras da cuberta do Multiusos de Monforte será sufragadas co apoio da Deputación. Esta cofinanciación materializouse no convenio asinado a mediados deste mes entre a tenente de Alcalde de Monforte, Gloria Prada, e o presidente da Deputación, José Tomé. A institución provincial aportará 100.000 euros dos 255.812 que supón esta obra. Os restantes 155.000 euros achégaos o propio Concello.

COLABORACIÓN PARA «O EQUILIBRIO TERRITORIAL» E «A MELLORA DA CALIDADE DE VIDA»
Logo da sinatura do convenio, Tomé salientou «o firme compromiso do Goberno provincial coa cooperación cos 67 concellos da provincia», para mellorar os servizos e as infraestruturas públicas. O mandatario socialista explicou que este tipo de acordos «aumentan a igualdade de oportunidades e a calidade de vida, ao tempo que favorecen o equilibrio territorial e o desenvolvemento económico».

FOCO DE ACTIVIDADE FORMATIVA, SOCIAL E CULTURAL DE TODA A COMARCA
Dende o Concello, destacaron os diversos servizos que se prestan no Edificio Multiusos, con servizos de carácter cultural, social e corporativo. Neste inmoble está situado o Conservatorio Municipal de Música Mestre Ibáñez, así como a Escola Municipal de Música e Danza. Ademais, o salón de actos do que dispón acolle numerosos eventos sociais e culturais. O Edificio Multiusos tamén é a sede do Consello Regulador da Agricultura Ecolóxica de Galicia (CRAEGA), e de varias asociacións e colectivos locais.
O proxecto apoiado pola Deputación suporá a reforma integral da cuberta, que en principio deseñouse con teito plano, e que está a dar problemas de humidade. Os illamentos instalados resultan agora insuficientes, xa que dende hai tempo que non se realizan melloras neste aspecto. •

Deixa unha resposta

Your email address will not be published.

Nova Anterior

Acordo entre a Xunta e o sector da hostalería para ampliar as axudas ata os 9.200 aos establecementos pechados polas restricións sanitarias

Seguinte Nova

Entregados os premios das Catas de Galicia na Denominación de Orixe Ribeira Sacra

Últimas noticias sobre INFRAESTRUCTURAS

     
A %d blogueros les gusta esto: