
A música e a cultura tradicional están a iniciar un novo ciclo na Pobra do Brollón, no comezo das clases na Escola Municipal de Música Samoeiro. Máis de 80 persoas están matriculadas neste curso, no que a
Escola cumpre doce anos de funcionamento agora nunhas condicións atípicas dada a situación sanitaria. «Para nós, inaugurar un novo curso nestas circunstancias é un enorme éxito», asegurou o alcalde, Xosé Lois Maceda, que agradeceu á veciñanza «que volveran a apostar pola nosa Escola» un ano máis.
Maceda destacou a importancia de Samoeiro como «lugar de encontro e de facer comunidade, algo que neste ano estraño quizais sexa máis necesario que nunca».•