O Concello do Saviñao continúa a desenvolver diversas obras para acondicionar espazos públicos. Desta volta, o Goberno local vén de rematar os traballos de rehabilitación do edificio da Escola de Diomondi, un inmoble de uso veciñal situado xunto ao Camiño de Inverno.
Segundo informaron dende o Consistorio, as obras contaron cunha partida de 24.200 euros, cofinanciados pola Xunta e o propio Concello. A cota máis importante aportouna o Executivo autonómico, cunha achega de 15.000 euros, e o resto do investimento correspondeu a fondos municipais.
O alcalde, Carlos Armesto, explicou os detalles da obra, que afectou ao inmoble e tamén ao seu entorno. Ademais de arranxar o interior do edificio, o proxecto permitiu adecentar a entrada principal aplicando formigón na explanada anterior, sobre unha superficie de 400 metros cadrados. Na contorna anexa, instalouse un parque biosaudable e renovouse o peche perimetral con postes de madeira.
POSTA EN VALOR DO CAMIÑO DE INVERNO
O alcalde salientou a importancia de accións deste tipo, que contribúen a poñer en valor recursos como o Camiño de Inverno, tanto dende a Xunta como desde o propio municipio.•
Cargando ...
