En novembro botou a andar #GaliciaGolfSaúde, unha iniciativa conxunta da Asociación Galicia Destino Golf, Viajes Abramar e Oca Hotels, a través do concurso de ideas promovido polo Clúster Turismo de Galicia.
A presentación deste novo proxecto tivo lugar o día 10, coa presenza da directora de Turismo de Galicia, Nava Castro, acompañada polo presidente do Clúster Turismo de Galicia, Cesáreo Pardal, a presidenta da Asociación Galicia Destino Golf, Marisa Barandiarán, Ramón Braña, o director xeral da cadea Oca Hotels e Diego Otero, CEO de Abramar.
Castro salientou o valor deste tipo de iniciativas, que permiten desfrutar das infraestruturas turísticas e deportivas en contacto coa natureza, coa máxima calidade do servizo e perfectamente adaptadas ao contexto covid.
TURISMO CON VALOR ENGADIDO
Na presentación de #GaliciaGolfSaúde, os promotores do proxecto destacaron a importancia de orientalo a un nicho de mercado como é o dos xogadores de golf, considerados viaxeiros de alto valor engadido polo seu gasto medio e pola busca de destinos de calidade. •
Cargando ...
