O alcalde de Quiroga esixiu medidas máis restritivas ante o incremento de casos de covid-19 no municipio

•No día en que a cifra de contaxios subiu a 18, o rexedor reclamou un cribado masivo “extensivo tamén á poboación de Ribas de Sil”

Imaxe de arquivo da rúa Real, na que está situada a Casa do Concello de Quiroga. (Arquivo EC)

A mediados de xaneiro, a cifra de contaxios por covid-19 disparouse no municipio de Quiroga, o que provocou que o alcalde, Julio Álvarez, reclamara ás autoridades sanitarias “que tomen medidas para tentar parar este alarmante incremento de casos”. Álvarez propuxo incluso a realización dun cribado masivo á poboación de Quiroga, “que mesmo se debería facer extensivo a Ribas de Sil”. O rexedor quirogués planteou tamén “que nos apliquen todas as políticas restritivas de movilidade cidadá e o peche dos centros educativos”.
O ALCALDE OFRECEUSE COMO ENFERMEIRO QUE É PARA AXUDAR
Segundo informaron dende o Concello, o alcalde puxo á disposición das autoridades sanitarias “todos os medios e centros dispoñibles do concello”. Álvarez chegou a plantear a súa condición profesional de enfermeiro para axudar no que fixera falta.
Dende a Xunta comprometéronse a estudar as súas peticións, pero no tocante ao peche dos centros educativos, dende Sanidade afirmaron que dita decisión é competencia da Consellería de Educación.
Ademais, o alcalde pediu á cidadanía que se quedara na casa no posible. O Concello continuou coas tarefas de desinfección das rúas. •

Deixa unha resposta

Your email address will not be published.

Nova Anterior

Galicia está en nivel de restrición máxima durante tres semanas para frear a expansión dos contaxios por covid-19

Seguinte Nova

O Concello de Monforte renova a emblemática praza do Doutor Goyanes

Últimas noticias sobre GALERÍA

A %d blogueros les gusta esto: