A Xunta investiu case 1,2 millóns de euros nos tres obradoiros conxuntos de Quiroga, Ribas de Sil e Folgoso do Courel

Arranque do obradoiro Montañas do Courel, a finais do mes pasado, adicado aos traballos de formigón. GPXG

A Xunta vén de investir 1.176.800 euros nos tres obradoiros de emprego compartidos por Folgoso do Courel, Ribas de Sil e Quiroga en 2020, que en conxunto ofrecen formación e emprego remunerado a 56 traballadores desempregados.
A iniciativa dos tres concellos da comarca de Quiroga unidos por proxectos comúns permite optimizar os recursos públicos. A Xunta apoia este tipo de solicitudes que favorecen aos municipios rurais, nos que resulta máis necesario xerar oportunidades de emprego que axuden a fixar poboación.
Por unha banda, o obradoiro dual Montañas do Courel está a formar dende decembro a 20 alumnos na especialidade de Operacións de formigón, cun orzamento de 346.946 euros e unha duración de nove meses.
En Quiroga, o alumnado traballará na ampliación do Museo Etnográfico; en Ribas de Sil construirán un cobertizo e mellorarán os accesos á praia fluvial e á zona recreativa de San Clodio. Pola súa banda, en Folgoso do Courel acondicionarán un miradoiro no alto do Boi, unha área de estacionamento de caravanas e una alvariza, entre outras tarefas.•

Deixa unha resposta

Your email address will not be published.

Nova Anterior

Os máis de 2,7 millóns de euros do Orzamento de Sober priman o gasto social e os investimentos

Seguinte Nova

Apoio da Deputación de Lugo ás actividades da Fundación Uxío Novoneyra

Últimas noticias sobre ECONOMÍA

     
A %d blogueros les gusta esto: