A finais de xaneiro, o Boletín Oficial da Provincia de Lugo publicou a relación de 178 deportistas que recibiron as achegas individuais convocadas pola Área de Deportes da Vicepresidencia da Deputación. Cada bolsa oscila entre os 300 e os 1.500 euros, segundo os méritos deportivos acreditados.
DEPORTISTAS PREMIADOS EN 20 MODALIDADES
Segundo explicaron dende a Área de Deportes, da que se encarga o nacionalista Efrén Castro, foron 20 as modalidades que contaron con deportistas premiados a nivel individual. A modalidade con máis premiados foi atletismo, con 67, seguida por piragüismo con 26, e pentatlón moderno, con 19. En tiro olímpico houbo 12, mentres que foron 10 deportistas os premiados tanto en natación como en judo. Pola súa banda, taekwondo sumou 9 deportistas con recoñecemento.
Castro salientou que estas axudas «buscan sufragar os gastos dos deportistas nas competicións, ao tempo que incentivar e recompensar o seu esforzo». •
