O novo servizo de bus urbano gratuíto que o Concello de Monforte puxo en marcha hai un ano vén de sumar 34.655 viaxeiros. Esta cifra supón un aumento dun 140% no número de usuarios respecto ao servizo de transporte que estaba en funcionamento en 2019. «Dende o Concello estamos moi satisfeitos por estes datos», explicou o alcalde de Monforte, José Tomé, «e tamén pola positiva valoración que os veciños fan deste servizo». O rexedor local afirmou que este «éxito» do novo transporte urbano gratuíto «tradúcese nun incremento de uso moi significativo se o comparamos con anos anteriores».
No cómputo hai que ter en conta que o servizo de bus estivo suspendido entre o 14 de marzo e o 10 de maio de 2020, polo estado de alarma.•
