Adiantan ao 19 de marzo o arranque da tempada das rutas de catamarán pola Ribeira Sacra

• As rutas da Deputación estarán en funcionamento ata finais de ano, adaptándose ás circunstancias sanitarias de evolución da pandemia

Imaxe de arquivo das viaxes en catamarán pola Ribeira Sacra durante a pasada tempada, con redución de aforo e medidas hixiénico-sanitarias. GPDL

A Deputación vén de adiantar ao 19 de marzo o inicio da tempada das rutas fluviais en catamarán pola Ribeira Sacra. A Xunta de Goberno aprobou, a mediados de febreiro, o encargo á empresa pública Tragsa a prestación deste servizo para 2021, cun importe económico anual de preto de 686.000 euros. A prestación aprobouse con posibilidade de prorrogar nas dúas vindeiras anualidades, garantindo deste xeito a estabilidade deste servizo ao que consideran «un dinamizador económico».

AXUDAR Á HOSTALERÍA, AO TURISMO E AO COMERCIO
O adianto explicouno a voceira socialista do Goberno provincial e deputada de Promoción do Territorio e Turismo, Pilar García Porto, «porque este servizo contribúe de maneira directa e moi importante a dinamizar a economía da Ribeira Sacra axudando á hostalería, ao turismo e ao comercio cando máis o necesitan debido a crise derivada das restricións sanitarias”.
García Porto salientou que o pasado 2020 rexistráronse case 21.000 viaxeiros nas rutas fluviais da Deputación, a pesar de que operaron tres meses menos do habitual debido ao confinamento.
Na ruta do Canón do Sil, que sae da Ponte do Sil, operarán dous catamaráns cunha capacidade total de 159 persoas, 107 no catamarán Mencía, e 52 no monocasco Canón do Sil. O traxecto ten unha duración de dúas horas. Así mesmo, a ruta do Cabo do Mundo sae de Belesar cun único catamarán con 72 prazas. Seguen vixentes as medidas hixiénico-sanitarias que xa se estableceron na reapertura tralo confinamento.•

Deixa unha resposta

Your email address will not be published.

Nova Anterior

O Ateneo Casino de Monforte celebra o 25º aniversario do pasamento de Lois Pereiro cunha campaña «expansiva e aberta» en redes

Seguinte Nova

A Xunta apoiou con 78.300 euros sete proxectos para embelecer o Camiño de Inverno en Chantada, Pantón, Quiroga, Monforte, O Saviñao e A Pobra do Brollón

Últimas noticias sobre GALERÍA

     
A %d blogueros les gusta esto: