Bóveda ofrece á veciñanza un novo servizo de asesoramento en emprego e emprendemento

O axente de emprego e emprendemento atende aos veciños de Bóveda na propia Casa Consistorial. GPCB

O Concello de Bóveda continúa a apostar pola dinamización económica e social do municipio, desta volta coa incorporación dun novo servizo. Dende este mes, a veciñanza de Bóveda dispón dun axente de emprego e desenvolvemento local, que atenderá de balde calquera cuestión relacionada co mercado laboral e as oportunidades de emprego.

XESTIÓN DE AXUDAS
Entre as funcións deste axente, está a xestión e implantación de axudas, subvencións e políticas activas de emprego relacionadas coa xeración de actividade empresarial e inserción laboral.
ASESORAMENTO E INTERMEDIACIÓN LABORAL
Por outra banda, o axente dá asesoramento, información e apoio para calquera tipo de trámite en materia de emprego e plans de negocio a emprendedores, empresas, autónomos e demandantes de emprego.
Así mesmo, ofrece un servizo de intermediación laboral, ao recibir ofertas das empresas e recoller os currículos dos demandantes para favorecer a posta en contacto entre ambas partes.

ATENCIÓN INDIVIDUAL
Por último, o axente de emprego axuda ás persoas que o soliciten ferramentas para redactar o seu currículum vitae, información sobre as ofertas de emprego e as necesidades actualizadas do mercado laboral, e técnicas de búsqueda activa de emprego.

ATENCIÓN EN HORARIO DE MAÑÁ CON CITA PREVIA POLA PANDEMIA
Dende o Concello de Bóveda información que o horario de atención ao público do axente de emprego é de luns a venres, de 9:30 a 13:30 horas. Os responsables municipais recomendaron que, debido á situación de restricións sanitarias pola pandemia, os veciños interesados teñen que solicitar cita previa no teléfono 982 42 60 06.•

Deixa unha resposta

Your email address will not be published.

Nova Anterior

A Xunta apoiou con 78.300 euros sete proxectos para embelecer o Camiño de Inverno en Chantada, Pantón, Quiroga, Monforte, O Saviñao e A Pobra do Brollón

Seguinte Nova

Colaboración da Xunta para o desenvolvemento das actividades da Federación Galega de Espeleoloxía

Últimas noticias sobre ECONOMÍA

     
A %d blogueros les gusta esto: