•As obras da Deputación resolveron filtracións de auga no aparcadoiro e na estrada, e unha pasarela peonil
A Deputación vén de rematar os traballos de acondicionamento en varios puntos das estradas LU-P-1010 e LU-P-1001 en Carballedo. O presidente do organismo provincial, José Tomé, supervisou o resultado dunhas obras «con moita importancia social porque melloran a seguridade e a comodidade dos usuarios da rede viaria, e polo tanto melloran e achegan os servizos públicos». O investimento provincial foi de 32.400 euros.
DRENAXE PARA GARANTIR A SEGURIDADE DOS VIAIS
Na LU-P-1010 que conecta A Touza con Granxa, actuouse no quilómetro 2,7 por un problema de drenaxe de augas pluviais, para o que se reperfilaron as cunetas do aparcadoiro do pantalán dos Peares, e se recubriron con formigón. Os traballos completáronse coa canalización das augas e a renovación do firme neste punto.
O organismo provincial tamén arranxou a pasarela de acceso para garantir a seguridade dos usuarios.
Outra das actuacións centrouse na LU-P-1001 entre A Barrela e Os Peares por Castro, á altura do quilómetro 16. Os traballos consistiron na limpeza das cunetas e o posterior formigonado. Tomé valorou estas actuacións «porque unha rede de estradas en boas condicións é clave para a mellora do rural».•
Cargando ...
