O artista e escultor soberino Modesto Trigo está a preparar na súa parroquia natal, Gundivós, o que será o Museo dos Oficios Perdidos, ademais de crear un espazo no que recoller a parte da súa obra e da de outros artistas.
Segundo explicaron dende o Concello de Sober, a idea de Modesto Trigo inclúe dar memoria dos oficios tradicionais que se están a perder, como o do canteiro. De feito, os cadros que vistan o espazo expositivo versarán sobre a tradicións histórica destes oficios, co obxectivo de darlles permanencia e animar á mocidade a retomar ditas técnicas.
CONCEPTO DE “ALDEA GLOBAL”
Xunto ao espazo museístico, Trigo proxecta un taller para traballar durante as tempadas nas que resida en Sober, ao tempo que amosa a obra propia inspirada no rural e na Ribeira Sacra. “Trátase de poder pintar aí e traballar no concepto de aldea global desde o lugar no que nacín, como resonancia de Gundivós e de Sober”, afirmou.
Modesto Trigo, nacido enGundivós e residente en Madrid, expuxo a súa obra por todo o mundo. Agora prepara mostra “Arte y Ciencia” para o Museo Nacional de Ciencias Naturales de Madrid. •
Cargando ...
