As comunicacións entre a capitalidade de Pantón e a do veciño municipio de O Saviñao mellorarán logo de que queden rematadas as obras na estrada provincial LU-P-4102. Nestes traballos de mellora, a Deputación de Lugo inviste máis de 145.000 euros, para acondicionar un treito superior aos dous quilómetros.
LIMPEZA DE CUNETAS E AGLOMERADO EN QUENTE
Segundo informaron os responsables provinciais, os traballos xa en marcha suporán a mellora das condicións deste vial no tramo entre os puntos quilométricos 3,7 e 6,1. As obras arrancaron este mes coa limpeza das cunetas, tarefa imprescindible para evitar problemas coas augas pluviais e impedir o crecemento de vexetación nas marxes. A continuación, o proxecto inclúe a aplicación dunha capa de aglomerado en quente, para rematar co repintado da sinalización horizontal e a instalación de elementos verticais.
Dende o organismo provincial destacaron a importancia deste vial que dá acceso ao casco urbano de Ferreira de Pantón, e a servizos fundamentais como o centro de día, a gardería e o tanatorio municipais. •
Cargando ...
