Ata primeiros de abril está aberta no Círculo Saviñao a mostra pictórica «Mis abstractos», do médico lucense Xesús Vázquez. Esta é a primeira exposición individual que o autor amosa na sociedade cultural e recreativa de Escairón, aínda que xa participara en varias das colectivas asinadas baixo o título «Catro médicos pola Ribeira Sacra».
Vázquez está a desenvolver moi activamente a súa vocación artística dende 2007. O ano pasado participou na Mostra Internacional de Arte Contemporáneo de Barcelona, e nunha colectiva no Museo de Jalisco de México. •
