Reciclaxe, solidariedade e protección do medio ambiente únense nunha nova iniciativa na Pobra do Brollón

O concelleiro da Pobra do Brollón, Ricardo Rodicio, e a técnica de Medio Ambiente, Elvira Martínez, na presentación da iniciativa de compostaxe solidaria, o 1 de marzo. GPAPB.

O Concello da Pobra do Brollón ten en marcha unha iniciativa que reúne solidariedade e protección do medio ambiente. Dende o Consistorio están a animar á veciñanza a usar as seis composteiras comunitarias instaladas hai tres anos e, como informou a técnica municipal de Medio Ambiente, Elvira Martínez, “foron moi ben recibidas” no seu momento, “pero agora queremos darlles un novo impulso”.

O 30% DO PESO ANUAL DO COMPOST PRODUCIDO DOARASE EN QUILOS DE ALIMENTOS
A iniciativa municipal consiste en trocar o compost producido nestes dispositivos por alimentos para as persoas máis desfavorecidas. O procedemento será o seguinte: ao final de ano, pesarase todo o compost resultante dos depósitos comunitarios, e o 30% do seu peso total doarase en quilos de alimentos.
Martínez sinalou que “deste xeito, a compostaxe ten unha dobre vantaxe para a xente”. A técnico municipal de Medio Ambiente salientou que, participando nesta iniciativa, “coidamos do noso medio natural e somos solidarios cos nosos veciños”. Por outra banda, o compost producido nas composteiras comunitarias “queda á disposición de quen o queira usar para fertilizar os seus xardíns e hortas”.

CONCELLO PIONEIRO EN RECICLAXE
Para animar á veciñanza, o Concello da Pobra do Brollón distribuiu carteis e un vídeo explicativo nas redes sociais. Cómpre lembrar que este municipio foi pioneiro na provincia na instalación de composteiras comunitarias e de iniciativas de impulso á reciclaxe, como o punto limpo móbil e a recollida a domicilio de residuos voluminosos.•

Deixa unha resposta

Your email address will not be published.

Nova Anterior

Financiación autonómica para revalorizar o patrimonio etnográfico de Bóveda

Seguinte Nova

Apoio da Deputación á nova Fundación Agroalimentaria Galega para impulsar o sector primario da provincia

Últimas noticias sobre GALERÍA

A %d blogueros les gusta esto: