O Concello de Bóveda anunciou que xa está en marcha o proceso para presentar proxectos de emprendemento no programa “Hola, Pueblo”. A iniciativa, na que participan 70 municipios de 24 provincias pertencentes a 9 comunidades autónomas, busca animar a aquelas persoas que teñan unha idea de emprendemento e interese en instalarse no medio rural. As altas poden realizarse a través do formulario colgado na web www.holapueblo.com.
Unha vez recibidas as solicitudes, seleccionaranse a 35 persoas emprendedoras, ás que se lle dará acceso a un proceso de mentorías individualizadas, dirixidas a desenvolver a súa idea de negocio e acompañamento na busca de municipio, facilitándolles información relevante e poñéndoos en contacto directo cos concellos do programa que máis se adapten ás súas necesidades profesionais e persoais.
Dende o Concello, o alcalde, José Manuel Arias, destacou que os emprendedores “poden aproveitar esta oportunidade unida á próxima convocatoria de axudas Leader para o desenvolvemento rural do GDR Ribeira Sacra-Courel”. •
Cargando ...
