O apoio ao sector agroalimentario lucense conta cunha nova aportación. A mediados de marzo, a Área de Medio Rural da Deputación de Lugo asinaba un convenio de colaboración coa Asociación de produtores de Porco Celta (Asoporcel), para garantir a trazabilidade e comercialización dos produtos de porco celta.
4.000 EUROS ACHEGADOS POLO ORGANISMO PROVINCIAL
O convenio, por importe de 4.000 euros, permitirá aos produtores a adquisición de crotais para identificar os leitóns desta raza autóctona, de xeito que facilita os controis para garantir a calidade dos produtos certificados como carne de porco celta.
A GANDEIRÍA EXTENSIVA AXUDA A CONSERVAR O MEDIO AMBIENTE E A PAISAXE
A responsable de Medio Rural, a nacionalista Mónica Freire, destacou “a importancia medioambiental e social da cría desta raza autóctona” na modalidade extensiva, “o que contribúe á conservación da paisaxe e á loita contra os incendios forestais”.
Cargando ...
