O programa «IlustrarNÓS» da Vicepresidencia da Deputación achega as artes gráficas e a ilustración aos centros educativos de 15 concellos lucenses

Actividade do colectivo Polo Correo do Vento, integrado por Carlos Taboada e Quique Mauricio, nos municipios de Palas de Rei e Portomarín. A intervención, baseada na figura e na obra da pintora galega Maruja Mallo, formou parte do programa IlustrarNÓS. GPVDL

Dende finais de xaneiro e ata o mes de maio, a Vicepresidencia da Deputación está a desenvolver o programa IlustrarNÓS, unha iniciativa para celebrar o Día da Ilustración, que se conmemorou o 30 de xaneiro, divulgando as artes gráficas entre os escolares da provincia. As actividades comprenden talleres de ilustración, charlas a cargo de profesionais e elaboración de murais en centros educativos dun total de 15 concellos lucenses.
A vicepresidenta do organismo provincial, Maite Ferreiro, destacou «a boa acollida das actividades», ao tempo que salientou «o valor da colaboración do profesorado, sobre todo nestes tempos nos que están a asumir un sobreesforzo para adaptarse á pandemia».
O colectivo Polo Correo do Vento ofreceu varios obradoiros de ilustración centrados na figura e na obra da pintora viveirense Maruja Mallo. Así mesmo, a ilustradora e debuxante de cómicas Bea Lema falou ao alumnado de varios institutos sobre o proceso creativo na ilustración.
O programa, que xa levou un obradoiro de Polo Correo do Vento ao colexio de Folgoso, terá unha sesión, a cargo de Bea Lema, no IES A Pinguela o vindeiro 7 de abril.•

Participantes nun dos obradoiros do programa IlustrarNÓS da Vicepresidencia da Deputación, en Portomarín. GPVDL

Deixa unha resposta

Your email address will not be published.

Nova Anterior

Adxudicadas por máis de 455.000 euros as obras en tres estradas entre Paradela e O Saviñao

Seguinte Nova

Convenio da área provincial de Medio Rural e Asoporcel para mellorar a trazabilidade dos produtos de porco celta

Últimas noticias sobre AXENDA

     
A %d blogueros les gusta esto: