Ata o 2 de maio, os establecementos de comercio e hostalería asociados a ACES-Sarria teñen en marcha a campaña «Un día para ti!», no que as protagonistas serán as nais.
Os clientes dos establecementos asociados poden participar depositando os seus tickets de compra nas furnas situadas nos diversos locais, indicando os datos dunha «mamá», que pode ser a propia nai, a parella, ou unha amiga, ou incluso a mesma clienta. O mércores 5 de maio procederase ao sorteo dun día especial para a nai que resulte afortunada. O agasallo consistirá nun completo paquete de lecer, que incluirá, entre outras sorpresas, un tratamento de beleza, masaxe, perruquería, sesión de compras e picoteo en familia.• (Foto: Cartaz da campaña).