• Redacción- MONFORTE. A Deputación continúa coas melloras na rede de estradas provinciais, desta volta cunha importante actuación no sur de Lugo. O organismo provincial arrancou os traballos de acondicionamento da estrada LU-P-0907 que une a parroquia de Teilán, no municipio de Bóveda, co concello de Paradela. Neste proxecto, a Deputación está a investir máis de 93.170 euros, para mellorar un treito de tres quilómetros, cun prazo de execución de nove meses.
Dende o punto quilométrico cero ata o 3,2, vanse realizar diversas actuacións, como a reapertura de cunetas, a pavimentación con aglomerado en quente e o repintado dos correspondentes sinais horizontais.
Os responsables provinciais lembraron que a mellora da mobilidade é unha das prioridades establecidas polo presidente da Deputación para este ano, polo que se incrementaron nun 14% as partidas para infraestruturas, ata os 16 millóns de euros. (Foto: GPDL). •
Cargando ...
