A ESTACIÓN DE MONFORTE EN 1964: O PODER DAS GRANDES LOCOMOTORAS 1817 Y 7735

Imaxe das poderosas locomotoras 1817 e 7735 na estación de Monforte de Lemos. TrenTranvía

A principios dos 50, Renfe decidiu a incorporación de material de tracción diesel para ir aos poucos relegando a tracción vapor do servizo de viaxeiros. As primeiras 17 unidades recibíronse no porto de Bilbao procedente de EEUU. O fabricante era a americana ALCO, que entregou o material entre 1.955 e 1.956, constituíndo a serie 1600.
Con posterioridade, comezáronse a recibir as 1800, de ALCO. Foron 24 unidades, adicadas, polo xeral, a mover trens de pasaxeiros como o expreso Rías Altas, o traxecto Ávila – Salamanca do semidirecto Madrid Príncipe Pío – Salamanca, así como os servizos de mercadorías desde Salamanca a Astorga ou de Ourense a Medina del Campo por Zamora.

CARACTERÍSTICAS
Sendo moi similares ás das súas irmás maiores, as 1600, diferenciándose na lonxitude entre testeros, 16.886 mm, a altura, 4.019 mm, e a anchura, 2.840 mm. Unicamente a 1808 dispoñía de freo dual. A súa armazón era de metal e madeira, como tamén sucede coas 1600 e coas 2100.
En 1989, foron dadas de baixa as locomotoras 1803. 1805, 1817, 1818, 1819, 1822 e 1823, esta última porque cedeu o seu motor polo mal estado da súa estrutura, e a 1802, porque dispoñía dun mecanismo de tracción en malas condicións de funcionamento cunha boa carrocería.
Durante o ano 1992 foron apartadas en Monforte de Lemos as locomotoras 1801, 1802, 1804, 1815, 1820 e 1823, para pasar ao depósito de Ourense posteriormente, regresando despois novamente a Monforte, segundo consta na revista do ferrocarril “Via Libre”.
A 7735 foi unha das 80 locomotoras eléctricas da serie 7700, construídas en Inglaterra polas empresas English Electric e Vulcan Foundry entre 1952 e 1959, que alcanzaban o 110 Km/ h, e que gozaron do seu máximo esplendor co proceso de electrificación de liñas a finais dos sesenta e durante os anos 70, circulando, entre outras, pola liña León – Monforte – Ourense – Vigo, ata ser retiradas do servizo nos anos 90. Hoxe aínda pode verse unha 7700 restaurada no Museo do Ferrocarril de Monforte en moi bo estado. •

Deixa unha resposta

Your email address will not be published.

Nova Anterior

Consolídase o polígono industrial do Reboredo de Monforte, logo da venda de 12 parcelas nos tres últimos anos

Seguinte Nova

Máis dunha vintena de traballos presentados ao concurso de reciclaxe creativa da Asociación de Veciños de Tuiriz

Últimas noticias sobre SOCIEDADE

A %d blogueros les gusta esto: