
O Concello de Chantada lembra a obrigatoriedade para os propietarios de parcelas situadas en chan urbano, urbanizable ou en núcleos rurais, de mantelas nun adecuado estado de limpeza e rozadas antes do 31 de maio. Un dos obxectivos é a prevención de incendios. O incumprimento implicará a apertura do correspondente expediente sancionador. Os gastos de extinción dun posible incendio poden ser repercutidos ás persoas responsables de non cumprir coa obriga de limpeza e xestión da biomasa vexetal. •